Вернуться к обычному виду

Рөстәм Миңнеханов: Бүген Татарстан Республикасы белән КХР арасындагы хезмәттәшлек күп юнәлешләр буенча гамәлгә ашырыла

 
Рөстәм Миңнеханов: Бүген Татарстан Республикасы белән КХР арасындагы хезмәттәшлек күп юнәлешләр буенча гамәлгә ашырыла 18.06.2014

Рөстәм Миңнеханов: Бүген Татарстан Республикасы белән КХР арасындагы хезмәттәшлек күп юнәлешләр буенча гамәлгә ашырыла

Бүген Казан Кремлендә «Түбән Кама нефть химиясе» ААҖ белән CNCEC (Кытай милли химик-инжиниринг компаниясе) компаниясе арасында үзара аңлашу турында меморандумга имза салынды. Документка «Түбән Кама нефть химиясе» ААҖ генераль директоры Азат Бикмурзин һәм CС7 компаниясе идарәсе рәисе Су Фуцян имза салды.

Имза салу тантанасында КХРның РФдәге Гадәттән тыш һәм Тулы вәкаләтле Илчесе Ли Хуэй һәм Татарстан Республикасы Президенты Рөстәм Миңнеханов катнашты.

Чара Ли Хуэй һәм Рөстәм Миңнеханов очрашуы кысаларында уздырылды.

Кунакларны сәламләп, Рөстәм Миңнеханов билгеләп үткәнчә, ул Россия-Кытай дустанә мөнәсәбәтләргә кысаларында Татарстан белән КХР арасындагы хезмәттәшлек мөмкинлекләрен югары бәяли. Ул КХР илчелегенә уртак проектларда һәм инициативаларда ярдәм күрсәткәне, шулай ук апрель аенда Татарстан Республикасы делегациясе визитын оештыруда булышканы өчен рәхмәт белдерде.

Татарстан Президенты искә төшергәнчә, апрель аеда ул КХРның кайбер провинцияләрендә (Урумчы, Пекин, Гонконг шәһәрләрендә) булган, шулай ук Татарстанның икътисадый потенциалын тәкъдир итүдә катнашкан. Моннан тыш, 2014 елның маенда Рөстәм Миңнеханов Россия Федарациясе Президенты Владимир Путин җитәкчелегендәге делегация составында югары дәрәҗәдәге сөйләшүләрдә катнашкан.

Июнь аенда Татарстанга аэрокосмик фәннең һәм сәнәгатьнең Кытай корпорациясе вәкилләренең визиты көтелә, диде Рөстәм Миңнеханов, ә бүген Казанга КХРдан Иминлек мәсьәләләрен алып баручы югары вәкилләрнең V халыкара очрашуында катнашучылар киләчәк (чара 2014 елның 19 июнендә «Корстон» КККда узачак).

Рөстәм Миңнеханов билгеләп үткәнчә, бүген Татарстан Республикасы белән КХР арасында хезмәттәшлек күп юнәлешләр буенча алып барыла, эре сәнәгать компанияләре белән эшлекле багланышлар дәрәҗәсендә дә, шулай ук Кытай провинцияләре (Шаньдунь, Хунань провинцияләре) дәрәҗәсендә дә. Ул шулай ук искә төшергәнчә, Харбиндагы (КХР) техник-икътисадый үсеш зонасы «Алабуга» (Татарстан) махсус икътисадый зонасы белән хезмәттәшлек итә.

Бүген К(П)ФУ базасында Конфуций институты уңышлы эшләп килә, диде Рөстәм Миңнеханов,Татарстан югары уку йортларында барлыгы 320 Кытай студенты укый. Без аларның саны артсын, дибез, шулай ук безнең студентлар да Кытайда укыса, әйбәт булыр иде.

Аның фикеренчә, туризм өлкәсендә уртак эшне активлаштырырга кирәк – монда ике якның да потенциалы зур.

Татарстан белән Кытайның халыкара дәрәҗәдәге зур ярышларны уздыру тәҗрибәсе бар, диде Рөстәм Миңнеханов, спорт мәсьәләләрендә дә без бер-беребезгә файдалы.

Татарстан Президенты хәбәр иткәнчә, республика Пекинда вәкиллек ачу мәсьәләсен карый, шулай ук Казан белән Кытайның кайбер шәһәрләре арасында турыдан-туры авиаочышлар оештыру эшен алып бара. «Көнбатыш Европа – Көнбатыш Китай» транспорт коридоры шулай ук Татарстан Республикасы территориясе аша уза.

Без Кытай инвесторларын Татарстанда проектларны гамәлгә ашырырга җәлеп итәргә, моның өчен шартлар тудырырга тиеш, диде Рөстәм Миңнеханов, һәм бу мәсьәләләр буенча без актив фикер алышабыз.

Рөстәм Миңнеханов шулай ук хәбәр иткәнчә, бүген үзара аңлашу турында меморандумга имза салган Кытай милли химик-инжиниринг компаниясе проектлар буенча нәтиҗәле эшләвен күрсәтте. Аерым алганда, «Аммоний» проектын гамәлгә ашыруны тәмамлап киләбез. Моннан тыш, Кытай компаниясе олефин комплексын төзү проектында катнаша.

Үз чиратында, КХРның РФдәге Гадәттән тыш һәм Тулы вәкаләтле Илчесе Ли Хуэй белдергәнчә, бүген Россия-Кытай мөнәсәбәтләре бик әйбәт чор кичерә. Россия Федарациясе Президенты Владимир Путин җитәкчелегендәге визит барышында имзаланган килешүләр, шул исәптән газ өлкәсендә дә тиңдәшсез характерга ия.

Без региональара хезмәттәшлек өлкәсен дә үстерергә тырышабыз.

Татарстан, Россия регионы буларак – КХРның җитди партнерларыннан берсе, дип саный Илче. Ул Мәскәүдә КХР илчелеге территориясендә Татарстан Республикасының икътисадый һәм инвестицион потенциалын тәкъдир итәргә тәкъдим итте.

КХРның РФдәге Гадәттән тыш һәм Тулы вәкаләтле Илчесе Татарстан Республикасы вәкилләрен 2014 елның 1-6 сентябрендә Урумчы шәһәрендә Кытай Хөкүмәте тарафыннан оештырыла торган «Китай – Евразия ЭКСПО» күргәзмәседә катнашырга чакырды.

Ли Хуэй әфәнде шулай ук Казан белән Кытайның кайбер шәһәрләре арасында турыдан-туры очышлар оештыру буенча башкарылган эшне дә уңай бәяләде. Ул хәбәр иткәнчә, үткән ел Кытай ягы Россиянең Казан, Сочи, Чита һәм Владивосток шәһәрләрендә генераль консуллыклар ачу инициативасы белән чыкты.


Back to the list


Яндекс.Метрика Яндекс цитирования