Вернуться к обычному виду

Илдар Халиков Татарстанның Мамадыш һәм Түбән Кама районнарын очып-карап узды

 
Илдар Халиков Татарстанның Мамадыш һәм Түбән Кама районнарын очып-карап узды 07.05.2014

Илдар Халиков Татарстанның Мамадыш һәм Түбән Кама районнарын очып-карап узды

Бүген Татарстан Премьер-министры Илдар Халиков Мамадыш һәм Түбән Кама муниципаль районнарын язгы-кыр эшләренең барышы белән танышу өчен очып-карап узды.

ТР Хөкүмәте башлыгын ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов озата йөрде.

Мамадыш районында, Түбән Ушма авылы янындагы кырларда Илдар Халиков авыл хуҗалыгы предприятиеләре җитәкчеләре һәм районның фермерлары белән аралашты. Райондагы хәлләр турында кыскача Мамадыш районы башлыгы Анатолий Иванов хәбәр итте. Аерым алганда, ул бөртеклеләр, шул исәптән уҗым культуралары хакында сөйләде.

Мамадыш районындагы чәчү кампаниясе турында Илдар Халиков - темплар яхшы, дип белдерде. “Монда сөт җитештерүне сизелерлек арттырганнар. Бүген район сөт җитештерү буенча лидер, “беренче”. Бу югары технологик дәрәҗәдә һәм яхшы дисциплина белән эшләнгән. Шулай ук бүген авыл хуҗалыгы предприятиеләре җитәкчеләре арасында үзләренең киләчәген авыл хуҗалыгында күрүче яшь егетләрнең күп булуы шатландыра”,- дип ачыклады Илдар Халиков.

Аннан соң, ТР Премьер-министры Түбән Кама районына юнәлде. Монда аны Түбән Кама районы башлыгы Айдар Метшин озата йөрде.

Илдар Халиков, аерым алганда, Түбән Кама районы чәчү кампаниясен уздыру буенча инде берничә көн республикада абсолют лидерлыкны тота, дип белдерде. “Мин сезне алдынгылар флагын төшермәскә, һәм авыл хуҗалыгы яхшы хезмәт хакы һәм табыш бирсен өчен икътисадка тирәнрәк керергә чакырам”, -диде ул.

Айдар Метшин, үз чиратында, бүгенге көнгә бөртекле һәм язгы культураларны чәчү 75 %ка башкарылган, дип хәбәр итте. Барлык чәчү эшләрен 20 майга төгәлләү планлаштырыла.

Back to the list


Яндекс.Метрика Яндекс цитирования