Вернуться к обычному виду

Иң яхшы билингваль балалар бакчасы

 
Иң яхшы билингваль балалар бакчасы 27.03.2014

Иң яхшы билингваль балалар бакчасы

Белүебезчә, билингвизм - ике телдә иркен аралаша алу, ситуациягә карап, бу телләрне кирәк чакта куллана белү.

Җир шарындагы халыкның 70% 2 яки 3 телдә сөйләшә, чөнки күп кенә дәуләтләрдә 3-4 тел дәүләт теле санала.

Республикабызда татар һәм рус телләре тигез хокуклы саналгач,дәүләт һәм үзидарә органнарында алар тигез кулланылышта йөрергә тиеш булгач, без балаларыбызны ясле-бакчадан ук икетеллелек мохитендә тәрбияләргә тиеш булабыз.

Бу аның өчен табигый булсын, моңа җирлек ясап, уен аркылы балада икенче телгә дә мәхәббәт уянсын, ихтыяҗ тусын.

Соңгы берничә дистә ел дәвамында галимнәр тарафыннан уткәрелгән тикшеренүләр күрсәткәнчә, икетеллелек балада хәтердә калдыру, логик фикерләү, отып алу, аңлау һәм анализ ясау тизлеген арттыра.

Андый балалар теләсә ниди ситуациядә дә югалып калмыйлар, башка балалар белән аралашуга җиңел баралар һәм киләчәктә чит телләрне үзләштерүгә ансат биреләләр.

Дөрес,икетеллелекнең “плюслары” булган кебек,”минуслары” да бар. Икенче тел өйрәтү ана телен үзләштерүгә зыян салырга тиеш түгел.Шулай ук, ике телне дә “чиле-пешле” өйрәтүгә дә һич тә юл күярга ярамый.Икетеллелекнең “плюслары” күбрәк һәм бу заман таләбе, шуңа күрә тәрбиячеләр һәм белгечләр үз эшләрен белеп, югары профиссиональ дәрәҗәдә башкарырга тиешләр.

Озак еллар шушы юнэлештэ эшлэуче 64-нче балалар бакчасында ике телдэ тэрбия бирунең милләтара аралашуга да уңай йогынтысын күрэбез.

Бакчага урологик авыру балалар йөргәнлектән, рус телле балалар,катнаш (икетелле) гаиләләрдән дә балалар тәрбияләнә.Төркемнәр дә татар яисә катнаш.Катнаш төркемннәрдә яследән үк аралашу ике телдә оештырыла.Иң беренче шарт – хезмәткәрләрнең ике телне дә яхшы белүе.

Катнаш төркемдә эшләүче 2 тәрбияченең берсе балалар белән татар телендә, икенчесе рус телендә аралаша. Катнаш гаиләләрнең әти-әниләре дә балалары белән берсе татар телендә, икенчесе рус телендә сөйләшә.

Бу кечкенәдән балаларда икетеллелек формалашуга уңай йогынты ясый. Бакчада балалар иртәләренең берсе татар телендә,икенчесе рус телендә оештырыла. Тәрбиячеләр балаларны татар һәм рус халык фольклоры белән таныштыралар, төрле халыкларның биюләрен өйрәтәләр,уеннарын балалар белән бергәләп уйныйлар.

2012 нче елдан балалар бакчасында яңа укыту методик комлектлары кулланыла башлады.Бу комлектларны әзерләүдә катнашкан барлык авторларга, хөкүмәтебезгә, презедентыбызга хезмэткэрлэр чиксез рәхмәтле.

Чөнки педагоглар озак еллар дәвамында бу методик кулланмаларны түземсезлек белән көтте.

Дөрес, бу юнәлештэ эш тукталып тормады, бу ярдәмлекләрне чыгару өчен өчен җирлек әзерләнде.

Хәзер балалар бакчалары мультимедия җиһазлары,таратма һәм күрсәтмә әсбаплар, аудио һәм видео материаллар,татар телендә мультфильмнар, балалар өчен эш дәфтәрләре белән тәэмин ителде.

Бу әсбаплар яхшы уйланылган,бик матур рәсемнәр белән эшләнгән,балалар өчен кызыклы һәм мавыктыргыч, аларның яшь үзенчәлекләре исәпкә алынган, куллану һәм саклау өчен гаять уңайлы һәм заманча.

Узган уку елы давамында тәрбиячеләр өчен авторлар белән очрашулар, семинар-укулар үткәрелде, балалар эшчәнлеген күзәтүләр оештырылды. слайд

Укыту-методик комлектның мәктәпкәчә тәрбиядә яңа баскыч булуын ассызыклап, Мәгариф һәм фән министрлыгы тарафыннан оештрылган “Иң яхшы билингваль балалар бакчасы” конкурсының оештырылуын әйтергә кирәк. Безнең өчен бу грантның бернинди кәгазь тутырмыйча,фәкать катнашырга теләк белдереп кенә үткәрелүе дә уңайлы.Шул ук вакытта дәрәҗәле комиссия, авторлар белән очрашып аралашу, фикерләшү мөмкинлеге бирүе дә файдага гына.

Бүгенге көндә икетеллелек өчен уңай шартлар тудыру дәвамлы булырга тиешлегенә шигебез юк.


Back to the list


Яндекс.Метрика Яндекс цитирования